Wycliffe Bible

1 Samuel 22

Companies resort unto David at Adullam.

1 Samuel 22:1 Therfor Dauid yede fro thennus, and fledde in to the denne of Odollam; and whanne hise britheren, and al the hows of his fadir hadden herd this, thei camen doun thidur to hym. 1 Samuel 22:2 And alle men that weren set in angwisch, and oppressid with othere mennus dette, and in bittir soule, camen togidere to hym; and he was maad the prince of hem, and as foure hundrid men weren with hym.

At Mizpeh he commendeth his parents unto the king of Moab.

1 Samuel 22:3 And Dauid yede forth fro thennus in to Masphat, which is of Moab; and he seide to the kyng of Moab, Y preye, dwelle my fadir and my modir with you, til Y wite what thing God schal do to me. 1 Samuel 22:4 And he lefte hem bifor the face of the kyng of Moab; and thei dwelliden at hym in alle daies, in whiche Dauid was in the forselet, ether stronghold.

Admonished by Gad, he cometh to Hareth.

1 Samuel 22:5 And Gad, the profete, seide to Dauid, Nyle thou dwelle in the forselet; go thou forth, and go in to the lond of Juda. And Dauid yede forth, and cam in to the forest of Areth.

Saul, going to pursue him, complaineth of his servants' unfaithfulness.

1 Samuel 22:6 And Saul herde, that Dauid apperide, and the men that weren with hym. Forsothe whanne Saul dwellide in Gabaa, and was in the wode which is in Rama, and helde a spere in the hond, and alle hise seruauntis stoden aboute hym, 1 Samuel 22:7 he seide to hise seruauntis that stoden nyy hym, The sones of Gemyny, here me now; whether the sone of Ysai schal yyue to alle you feeldis and vyneris, and schal make alle you tribunes and centuriouns? 1 Samuel 22:8 For alle ye han swore, ether conspirid, togidere ayens me, and noon is that tellith to me; moost sithen also my sone hath ioyned boond of pees with the sone of Ysai; noon is of you, that sorewith for my stide, nether that tellith to me, for my sone hath reisid my seruaunt ayens me, settynge tresoun to me til to dai.

Doeg accuseth Ahimelech.

1 Samuel 22:9 Sotheli Doech of Ydumye answeride, that stood nyy, and was the firste among the seruauntis of Saul, and seide, Y siy the sone of Ysai in Nobe, at Achymelech, preest, the sone of Achitob; 1 Samuel 22:10 which counseilide the Lord for Dauid, and yaf meetis to hym, but also he yaf to Dauid the swerd of Goliath Filistei.

Saul commandeth to kill the priests.

1 Samuel 22:11 Therfor the kyng sente to clepe Achymelech, the preest, the sone of Achitob, and al the hows of his fadir, of preestis that weren in Nobe; whiche alle camen to the kyng. 1 Samuel 22:12 And Saul seide to Achymelech, Here, thou sone of Achitob. 1 Samuel 22:13 Which answeride, Lord, Y am redi. And Saul seide to hym, Whi hast thou conspirid ayens me, thou, and the sone of Ysai, and yauest looues and a swerd to hym, and councelidist the Lord for hym, that he schulde rise ayens me, and he dwellith a tretour til to dai? 1 Samuel 22:14 And Achymelech answeride to the kyng, and seide, And who among alle thi seruauntis is as Dauid feithful, and the sone in lawe of the kyng, and goynge at thi comaundement, and gloriouse in thin hows? 1 Samuel 22:15 Whether Y bigan to dai to counsele the Lord for hym? Fer be this fro me; suppose not the kyng ayens his seruaunt siche a thing in al the hows of my fadir; for thi seruaunt knew not ony thing, ether litil ethir greet, of this cause. 1 Samuel 22:16 And the kyng seide, Achymelech, thou schalt die bi deeth, thou, and al the hows of thi fadir.

The footmen refusing, Doeg executeth it.

1 Samuel 22:17 And the kyng seide to men able to be sent out, that stoden aboute hym, Turne ye, and sle the preestis of the Lord, for the hond of hem is with Dauid; and thei wisten that he fledde, and thei schewiden not to me. Sotheli the seruauntis of the kyng nolden holde forth her hond in to the preestis of the Lord. 1 Samuel 22:18 And the kyng seide to Doech, Turne thou, and hurle in to the preestis of the Lord. And Doech of Ydumee turnede, and hurlide in to the preestis, and stranglide in that dai foure score and fyue men, clothid with ephoth of lynnun cloth. 1 Samuel 22:19 Forsothe he smoot Nobe, the citee of preestis, by the scharpnesse of swerd, men and wymmen, litle children and soukynge, and oxe, and asse, and sheep, bi the scharpnesse of swerd.

Abiathar escaping, bringeth David the news.

1 Samuel 22:20 Forsothe o sone of Achymelech, sone of Achitob, ascapide, of which sone the name was Abiathar; and he fledde to Dauid, 1 Samuel 22:21 and telde to hym that Saul hadde slayn the preestis of the Lord. 1 Samuel 22:22 And Dauid seide to Abiathar, Sotheli Y wiste, that is, Y coniectide, ether dredde, in that dai, that whanne Doech of Ydumee was there, he wolde telle with out doute to Saul; Y am gilti of alle the lyues of thi fadir. 1 Samuel 22:23 Dwelle thou with me, drede thou not; if ony man sekith thi lijf, he schal seke also my lijf, and thou schalt be kept with me.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook