Wycliffe Bible

1 Samuel 16

Samuel sent by God, under pretence of a sacrifice, cometh to Beth-lehem.

1 Samuel 16:1 And the Lord seide to Samuel, Hou long biweilist thou Saul, sithen Y castide hym awey, that he regne not on Israel; fille thin horn with oile, and come, that Y sende thee to Ysay of Bethleem; for among hise sones Y haue purueide a king to me. 1 Samuel 16:2 And Samuel seide, Hou schal Y go? for Saul schal here, and he schal sle me. And the Lord seide, Thou schalt take a calf of the droue in thi hond, and thou schalt seye, Y cam to make sacrifice to the Lord. 1 Samuel 16:3 And thou schalt clepe Ysay to the sacrifice, and Y schal schewe to thee, what thou schalt do; and thou schalt anoynte, whom euere Y schal schewe to thee. 1 Samuel 16:4 Therfor Samuel dide, as the Lord spak to hym; and he cam in to Bethleem, and the eldere men of the citee wondriden, and camen to hym, and seiden, Whether thin entryng is pesible? 1 Samuel 16:5 And he seide, It is pesible; Y cam to make sacrifice to the Lord; be ye halewid, and come ye with me, that Y make sacrifice. Therfor he halewide Ysai, and hise sones, and clepide hem to the sacrifice.

His human judgment is reproved.

1 Samuel 16:6 And whanne thei hadden entrid, he siy Eliab, and seide, Whether bifor the Lord is his crist? 1 Samuel 16:7 And the Lord seide to Samuel, Biholde thou not his cheer, nethir hiynesse of his stature; for Y castide hym awei, and Y demyde not bi the siyt of man; for a man seeth tho thingis that ben opyn, but the Lord biholdith the herte. 1 Samuel 16:8 And Ysai clepide Amynadab, and brouyte hym bifor Samuel; which seide, Nether the Lord hath chose this. 1 Samuel 16:9 Forsothe Isay brouyte Samma; of whom Samuel seide, Also the Lord hath not chose this. 1 Samuel 16:10 Therfor Isai brouyte hise seuene sones bifor Samuel; and Samuel seide to Ysai, The Lord hath not chose of these. 1 Samuel 16:11 And Samuel seide to Isai, Whether thi sones ben now fillid? And Isai answeride, Yit another is, a litil child, and lisewith scheep. And Samuel seide to Isai, Sende thou, and brynge hym; for we schulen not sitte to mete, bifor that he come hidur. 1 Samuel 16:12 Therfor Ysai sente, and brouyte hym; sotheli he was rodi, and fair in siyt, and of semely face. And the Lord seide, Rise thou, and anoynte hym; for it is he.

He anointeth David.

1 Samuel 16:13 Therfor Samuel took the horn of oyle, and anoyntid hym in the myddis of his britheren; and the Spirit of the Lord was dressid in to Dauid fro that day and afterward. And Samuel roos, and yede in to Ramatha.

1 Samuel 16:14 And so the Spirit of the Lord yede awei fro Saul, and a wickid spirit of the Lord trauelide Saul. 1 Samuel 16:15 And the seruauntis of Saul seiden to hym, Lo! an yuel spirit of the Lord traueilith thee; 1 Samuel 16:16 oure lord the kyng comaunde, and thi seruauntis that ben bifore thee, schulen seke a man, that kan synge with an harpe, that whanne the yuel spirit of the Lord takith thee, he harpe with his hond, and thou bere esiliere. 1 Samuel 16:17 And Saul seide to hise seruauntis, Puruey ye to me sum man syngynge wel, and brynge ye hym to me. 1 Samuel 16:18 And oon of the children answeride and seide, Lo! Y siy the sone of Ysai of Bethleem, kunnynge to synge, and strongeste in myyt, and a man able to batel, and prudent in wordis, and a feir man; and the Lord is with hym.

Saul sendeth for David to quiet his evil spirit.

1 Samuel 16:19 Therfor Saul sente messangeris to Ysay, and seide, Sende thou to me Dauid thi sone, which is in the lesewis. 1 Samuel 16:20 Therfor Isai took an asse ful of looues, and a galoun of wyn, and a kyde of geet; and sente bi the hond of Dauid his sone to Saul. 1 Samuel 16:21 And Dauid cam to Saul, and stood bifor hym; and Saul louyde hym greetli, and he was maad his squyer. 1 Samuel 16:22 And Saul sente to Isay, and seide, Dauid stonde in my siyt, for he foond grace in myn iyen. 1 Samuel 16:23 Therfor whanne euer the wickid spirit of the Lord took Saul, Dauid took the harpe, and smoot with his hond, and Saul was coumfortid, and he hadde liytere; for the wickid spirit yede awey fro hym.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook