Wycliffe Bible

1 Samuel 12

Samuel testifieth his integrity.

1 Samuel 12:1 Forsothe Samuel seide to al Israel, Lo! Y herde youre vois bi alle thingis whiche ye spaken to me, and Y ordeynede a kyng on you; 1 Samuel 12:2 and now the king goith bifor you. Sotheli Y wexide eld and hoor; forsothe my sones ben with you; therfor Y lyuyde bifor you fro my yong wexynge age til to this dai. And lo! 1 Samuel 12:3 Y am redi; speke ye to me bifor the Lord, and bifor the crist of hym; whether Y took the oxe of ony man, ether the asse; if Y falsly chalengide ony mon; yf Y oppresside ony man; if Y took yifte of the hond of ony man; and Y schal dispise it to dai, and Y schal restore to you. 1 Samuel 12:4 And thei seiden, Thou hast not falsly chalengid vs, nether hast oppressid vs, nether hast take ony thing of the hond of ony man. 1 Samuel 12:5 And he seide to hem, The Lord is witnesse ayens you, and his crist is witnesse in this day; for ye han not founde ony thing in myn hond. And thei seiden, Witnesse.

He reproveth the people of ingratitude.

1 Samuel 12:6 And Samuel seide to the puple, The Lord, that made Moises and Aaron, and ledde youre fadris out of the lond of Egipt, is present; 1 Samuel 12:7 now therfor stonde ye, that Y stryue bi doom ayens you bifor the Lord, of alle the mercyes of the Lord, whiche he dide with you, and with youre fadris. 1 Samuel 12:8 Hou Jacob entride in to Egipt, and youre fadris crieden to the Lord; and the Lord sente Moises and Aaron, and ledde youre fadris out of Egipt, and settide hem in this place. 1 Samuel 12:9 Whiche foryaten her Lord God; and he bitook hem in the hond of Sisara, maystir of the chyualrie of Asor, and in the hond of Filisteis, and in the hond of the kyng of Moab; and thei fouyten ayens hem. 1 Samuel 12:10 Sotheli afterward thei crieden to the Lord, and seiden, We synneden, for we forsoken the Lord, and seruyden Baalym and Astroth; now therfor delyuere thou vs fro the hond of oure enemyes, and we schulen serue thee. 1 Samuel 12:11 And the Lord sente Gerobaal, and Bedan, that is, Sampson, and Barach, and Jepte, and Samuel, and delyuerede you fro the hond of youre enemyes bi cumpass; and ye dwelliden tristili. 1 Samuel 12:12 Forsothe ye sien, that Naas, kyng of the sones of Amon, cam ayens you; and ye seiden to me, counseilynge to axe noon other kyng than God, Nay, but a kyng schal comaunde to vs; whanne youre Lord God regnede in you. 1 Samuel 12:13 Now therfor youre kyng is redi, whom ye han chose and axid; lo! the Lord yaf to you a kyng. 1 Samuel 12:14 If ye dreden the Lord, and seruen hym, and heren his vois, and wraththen not the mouth of the Lord; ye and youre kyng, that comaundith to you, schulen sue youre Lord God. 1 Samuel 12:15 Forsothe if ye heren not the vois of the Lord, but wraththen his word, the hond of the Lord schal be on you, and on youre fadris.

He terrifieth them with thunder in harvest time.

1 Samuel 12:16 But also now stonde ye, and se this gret thing which the Lord schal make in youre siyt. 1 Samuel 12:17 Whether heruest of whete is not to dai? I schal inwardli clepe the Lord, and he schal yyue voices, that is, thundris, and reynes; and ye schulen wite, and schulen se, for ye axynge a kyng on you han do greuouse yuel to you in the siyt of the Lord. 1 Samuel 12:18 And Samuel criede to the Lord, and the Lord yaf voices and reynes in that dai. 1 Samuel 12:19 And al the puple dredde greetli the Lord and Samuel; and al the puple seide to Samuel, Preye thou for thi seruauntis to thi Lord God, that we die not; for we addiden yuel to alle oure synnes, that we axiden a kyng to vs.

He comforteth them in God's mercy.

1 Samuel 12:20 Forsothe Samuel seide to the puple, Nyle ye drede; ye han do al this yuel; netheles nyle ye go awey fro the bak of the Lord, but serue ye the Lord in al youre herte; 1 Samuel 12:21 and nyle ye bowe aftir veyn thingis, that schulen not profite to you, nether schulen delyuere you; for tho ben veyn thingis. 1 Samuel 12:22 And the Lord schal not forsake his puple for his grete name; for the Lord swoor to make you a puple to hym silf. 1 Samuel 12:23 Forsothe this synne be fer fro me in the Lord, that Y ceesse to preye for you; and Y schal teche you a riytful weie and good. 1 Samuel 12:24 Therfor drede ye the Lord, and serue ye hym in treuthe, and of al youre herte; for ye sien tho grete thingis, whiche he dide in you; 1 Samuel 12:25 that if ye contynuen in malice, bothe ye and youre kyng schulen perische to gidere.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook