Wycliffe Bible

1 Samuel 11

Nahash offereth them of Jabesh-gilead a reproachful condition.

1 Samuel 11:1 And it was don as aftir a monethe, Naas of Amon stiede, and bigan to fiyte ayens Jabes of Galaad. And alle the men of Jabes seiden to Naas, Haue thou vs boundun in pees, and we schulen serue thee. 1 Samuel 11:2 And Naas of Amon answeride to hem, In this Y schal smyte boond of pees with you, that Y putte out the riyt iyen of alle you, and that Y sette you schenschip in al Israel. 1 Samuel 11:3 And the eldere men of Jabes seiden to him, Graunte thou to vs seuene daies, that we senden messangeris to alle the termes of Israel; and if noon be that defende vs, we schulen go out to thee.

They send messengers, and are delivered by Saul.

1 Samuel 11:4 Therfor messangeris camen in to Gabaad of Saul, and spaken these wordis, while the puple herde; and al the puple reiside her vois, and wepte. 1 Samuel 11:5 And lo! Saul cam, and suede oxis fro the feeld; and he seide, What hath the puple, for it wepith? And thei telden to hym the wordis of men of Jabes. 1 Samuel 11:6 And the Spirit of the Lord skippide in to Saul, whanne he hadde herd these wordis, and his woodnesse was wrooth greetli. 1 Samuel 11:7 And he took euer either oxe, and kittide in to gobetis, and sente in to alle the termes of Israel, bi the hondis of messangeris; and seide, Who euer goith not out, and sueth not Saul and Samuel, so it schal be don to hise oxun. Therfor the drede of the Lord asailide the puple, and thei yeden out as o man. 1 Samuel 11:8 And he noumbride hem in Besech; and thre hundrid thousynd weren of the sones of Israel; forsothe of the men of Juda weren thretti thousynde. 1 Samuel 11:9 And thei seiden to the messangeris that camen, Thus ye schulen seie to the men that ben in Jabes of Galaad, To morew schal be helthe to you, whanne the sunne is hoot. Therfor the messangeris camen, and telden to the men of Jabes; whiche weren glad, 1 Samuel 11:10 and seiden, Eerli we schulen go out to you, and ye schulen do to vs al that plesith you. 1 Samuel 11:11 And it was don, whanne the morewe dai cam, Saul ordeynede the puple in to thre partis; and he entride in to the myddil tentis in the wakyng of the morewtid, and he smoot Amon til the dai was hoot; forsothe the residues weren scaterid, so that tweyne togidere weren not left in hem.

Saul thereby is confirmed, and his kingdom renewed.

1 Samuel 11:12 And the puple seide to Samuel, Who is this, that seide, Saul schal not regne on vs? Yyue ye the men, and we schulen sle hem. 1 Samuel 11:13 And Saul seide, No man schal be slayn in this dai, for to dai the Lord made helthe in Israel. 1 Samuel 11:14 Forsothe Samuel seide to the puple, Come ye, and go we in to Galgala, and renule we there the rewme. 1 Samuel 11:15 And al the puple yede in to Galgala, and there thei maden Saul kyng bifor the Lord in Galgala; and thei offriden pesible sacrifices bifor the Lord. And Saul was glad there, and alle the men of Israel greetli.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook