Wycliffe Bible

1 Peter 5

He exhorteth the elders to feed their flocks,

1 Peter 5:1 Therfor Y, an euene eldre man, and a witnesse of Cristis passiouns, which also am a comynere of that glorie, that schal be schewid in tyme to comynge; byseche ye the eldre men, 1 Peter 5:2 that ben among you, fede ye the flok of God, that is among you, and puruey ye, not as constreyned, but wilfulli, bi God; not for loue of foule wynnyng, 1 Peter 5:3 but wilfulli, nether as hauynge lordschip in the clergie, but that ye ben maad ensaumple of the floc, of wille. 1 Peter 5:4 And whanne the prince of scheepherdis schal appere, ye schulen resseyue the coroun of glorie, that may neuere fade.

the younger to obey,

1 Peter 5:5 Also, ye yonge men, be ye suget to eldre men, and alle schewe ye togidere mekenesse; for the Lord withstondith proude men, but he yyueth grace to meke men. 1 Peter 5:6 Therfor be ye mekid vndir the myyti hoond of God, that he reise you in the tyme of visitacioun, 1 Peter 5:7 and caste ye al youre bisynesse in to hym, for to hym is cure of you.

and all to be sober, watchful, and constant in the faith:

1 Peter 5:8 Be ye sobre, and wake ye, for youre aduersarie, the deuel, as a rorynge lioun goith aboute, sechinge whom he schal deuoure.

to resist the cruel adversary the devil.

1 Peter 5:9 Whom ayenstonde ye, stronge in the feith, witynge that the same passioun is maad to thilke brithirhode of you, that is in the world. 1 Peter 5:10 And God of al grace, that clepide you in to his euerlastinge glorie, you suffrynge a litil, he schal performe, and schal conferme, and schal make sad. 1 Peter 5:11 To hym be glorie and lordschip, in to worldis of worldis. Amen. 1 Peter 5:12 Bi Siluan, feithful brother to you as Y deme, Y wroot schortli; bisechinge, and witnessinge that this is the very grace of God, in which ye stonden. 1 Peter 5:13 The chirche that is gaderid in Babiloyne, and Marcus, my sone, gretith you wel. 1 Peter 5:14 Grete ye wel togidere in hooli cos. Grace be to you alle that ben in Crist. Amen.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook