Wycliffe Bible

1 Corinthians 4

In what account the ministers ought to be had.

1 Corinthians 4:1 So a man gesse vs, as mynystris of Crist, and dispenderis of the mynysteries of God. 1 Corinthians 4:2 Now it is souyt here among the dispenderis, that a man be foundun trewe. 1 Corinthians 4:3 And to me it is for the leest thing, that Y be demyd of you, or of mannus dai; but nether Y deme my silf. 1 Corinthians 4:4 For Y am no thing ouer trowynge to my silf, but not in this thing Y am iustified; for he that demeth me, is the Lord. 1 Corinthians 4:5 Therfor nyle ye deme bifore the tyme, til that the Lord come, which schal liytne the hyd thingis of derknessis, and schal schewe the counseils of hertis; and thanne preisyng schal be to ech man of God. 1 Corinthians 4:6 And, britheren, Y haue transfigurid these thingis in to me and in to Apollo, for you; that in vs ye lerne, lest ouer that it is writun, oon ayens another be blowun with pride for another.

We have nothing which we have not received.

1 Corinthians 4:7 Who demeth thee? And what hast thou, that thou hast not resseyued? And if thou hast resseyued, what gloriest thou, as thou haddist not resseyued? 1 Corinthians 4:8 Nowe ye ben fyllid, now ye ben maad riche; ye regnen with outen vs; and Y wolde that ye regnen, that also we regnen with you.

The Apostles spectacles to the world, angels, and men,

1 Corinthians 4:9 And Y gesse, that God schewide vs the laste apostlis, as thilke that ben sent to the deth; for we ben maad a spectacle to the world, and to aungels, and to men. 1 Corinthians 4:10 We foolis for Crist, but ye prudent in Crist; we sike, but ye stronge; ye noble, but we vnnoble. 1 Corinthians 4:11 Til in to this our we hungren, and thirsten, and ben nakid, and ben smytun with buffatis, 1 Corinthians 4:12 and we ben vnstable, and we trauelen worchynge with oure hondis; we ben cursid, and we blessen; we suffren persecucioun, and we abiden longe; we ben blasfemyd, and we bisechen;

the filth and offscouring of the world:

1 Corinthians 4:13 as clensyngis of this world we ben maad the out castyng of alle thingis til yit. 1 Corinthians 4:14 Y write not these thingis, that Y confounde you, but Y warne as my moste dereworthe sones.

yet our fathers in Christ,

1 Corinthians 4:15 For whi if ye han ten thousynde of vndur maistris in Crist, but not many fadris; for in Crist Jhesu Y haue gendrid you bi the gospel.

whom we ought to follow.

1 Corinthians 4:16 Therfor, britheren, Y preye you, be ye foleweris of me, as Y of Crist. 1 Corinthians 4:17 Therfor Y sente to you Tymothe, which is my most dereworthe sone, and feithful in the Lord, which schal teche you my weies, that ben in Crist Jhesu; as Y teche euery where in ech chirche. 1 Corinthians 4:18 As thouy Y schulde not come to you, so summe ben blowun with pride; 1 Corinthians 4:19 but Y schal come to you soone, if God wole; and Y schal knowe not the word of hem that ben blowun with pride, but the vertu. 1 Corinthians 4:20 For the rewme of God is not in word, but in vertu. 1 Corinthians 4:21 What wole ye? Schal Y come to you in a yerde, or in charite, and in spirit of myldenesse?

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook