Wycliffe Bible

1 Corinthians 3

1 Corinthians 3:1 And Y, britheren, myyte not speke to you as to spiritual men, but as to fleischli men;

Milk is fit for children.

1 Corinthians 3:2 as to litle children in Crist, Y yaf to you mylk drynke, not mete; for ye myyten not yit, nether ye moun now, for yit ye ben fleischli.

Strife and division, arguments of a fleshly mind.

1 Corinthians 3:3 For while strijf is among you, whether ye ben not fleischli, and ye gon aftir man? 1 Corinthians 3:4 For whanne summe seith, Y am of Poul, another, But Y am of Apollo, whethir ye ben not men? What therfor is Apollo, and what Poul? 1 Corinthians 3:5 Thei ben mynystris of hym, to whom ye han bileuyd; and to ech man as God hath youun. 1 Corinthians 3:6 Y plauntide, Apollo moystide, but God yaf encreessyng.

He that planteth, and he that watereth, is nothing.

1 Corinthians 3:7 Therfor nether he that plauntith is ony thing, nethir he that moistith, but God that yiueth encreessyng. 1 Corinthians 3:8 And he that plauntith, and he that moistith, ben oon; and ech schal take his owne mede, aftir his trauel.

The ministers are God's fellowworkmen.

1 Corinthians 3:9 For we ben the helperis of God; ye ben the erthetiliyng of God, ye ben the bildyng of God. 1 Corinthians 3:10 Aftir the grace of God that is youun to me, as a wise maistir carpenter Y settide the foundement; and another bildith aboue. But ech man se, hou he bildith aboue.

Christ the only foundation.

1 Corinthians 3:11 For no man may sette another foundement, outtakun that that is sett, which is Crist Jhesus. 1 Corinthians 3:12 For if ony bildith ouer this foundement, gold, siluer, preciouse stoonys, stickis, hey, or stobil, euery mannus werk schal be open; 1 Corinthians 3:13 for the dai of the Lord schal declare, for it schal be schewid in fier; the fier schal preue the werk of ech man, what maner werk it is. 1 Corinthians 3:14 If the werk of ony man dwelle stille, which he bildide aboue, he schal resseyue mede. 1 Corinthians 3:15 If ony mannus werk brenne, he schal suffre harm; but he schal be saaf, so netheles as bi fier.

Men the temples of God,

1 Corinthians 3:16 Witen ye not, that ye ben the temple of God, and the spirit of God dwellith in you?

which must be kept holy.

1 Corinthians 3:17 And if ony defoulith the temple of God, God schal leese hym; for the temple of God is hooli, which ye ben. 1 Corinthians 3:18 No man disseyue hym silf. If ony man among you is seyn to be wiys in this world, be he maad a fool, that he be wijs.

The wisdom of this world is foolishness with God.

1 Corinthians 3:19 For the wisdom of this world is foli anentis God; for it is writun, Y schal catche wise men in her fel wisdom; 1 Corinthians 3:20 and eft, The Lord knowith the thouytis of wise men, for tho ben veyn. 1 Corinthians 3:21 Therfor no man haue glorie in men. For alle thingis ben youre, 1 Corinthians 3:22 ethir Poul, ether Apollo, ether Cefas, ether the world, ether lijf, ether deth, ether thingis present, ethir thingis to comynge; for alle thingis ben youre, 1 Corinthians 3:23 and ye ben of Crist, and Crist is of God.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook