Wycliffe Bible

1 Corinthians 16

He exhorteth them to relieve the want of the brethren at Jerusalem:

1 Corinthians 16:1 But of the gaderyngis of money that ben maad in to seyntis, as Y ordeynede in the chirchis of Galathie, so also do ye o dai of the wouke. 1 Corinthians 16:2 Ech of you kepe at hym silf, kepynge that that plesith to him, that whanne Y come, the gaderyngis ben not maad. 1 Corinthians 16:3 And whanne Y schal be present, whiche men ye preuen, Y schal sende hem bi epistlis to bere youre grace in to Jerusalem. 1 Corinthians 16:4 That if it be worthi that also Y go, thei schulen go with me. 1 Corinthians 16:5 But Y schal come to you, whanne Y schal passe bi Macedonye; for whi Y schal passe bi Macedonye. 1 Corinthians 16:6 But perauenture Y schal dwelle at you, or also dwelle the wynter, that and ye lede me whidir euere Y schal go. 1 Corinthians 16:7 And Y wole not now se you in my passyng, for Y hope to dwelle with you awhile, if the Lord schal suffre. 1 Corinthians 16:8 But Y schal dwelle at Efesi, til to Witsuntide. 1 Corinthians 16:9 For a grete dore and an opyn is openyd to me, and many aduersaries.

commendeth Timothy:

1 Corinthians 16:10 And if Thimothe come, se ye that he be with out drede with you, for he worcheth the werk of the Lord, as Y. 1 Corinthians 16:11 Therfor no man dispise hym; but lede ye hym forth in pees, that he come to me; for Y abide hym with britheren. 1 Corinthians 16:12 But, britheren, Y make knowun to you of Apollo, that Y preiede him myche, that he schulde come to you, with britheren. But it was not his wille to come now; but he schal come, whanne he schal haue leiser.

and after friendly admonitions,

1 Corinthians 16:13 Walke ye, and stonde ye in the feith; do ye manli, and be ye coumfortid in the Lord, 1 Corinthians 16:14 and be alle youre thingis don in charite. 1 Corinthians 16:15 And, britheren, Y biseche you, ye knowen the hous of Stephan, and of Fortunati, and Acaicy, for thei ben the firste fruytis of Acaie, and in to mynystrie of seyntis thei han ordeyned hem silf;

shutteth up his epistle with divers salutations.

1 Corinthians 16:16 that also ye be sugetis to suche, and to ech worchynge togidere and trauelynge. 1 Corinthians 16:17 For Y haue ioie in the presence of Stephan, and of Fortunate, and Acaici; 1 Corinthians 16:18 for thei filliden that thing that failide to you; for thei han refreischid bothe my spirit and youre. Therfor knowe ye hem, that ben suche maner men. 1 Corinthians 16:19 Alle the chirchis of Asie greten you wel. Aquila and Prisca, with her homeli chirche, greten you myche in the Lord, at the whiche also Y am herborid. 1 Corinthians 16:20 Alle bretheren greten you wel. Grete ye wel togidere in hooli cos. 1 Corinthians 16:21 My gretyng bi Poulis hoond. 1 Corinthians 16:22 If ony man loueth not oure Lord Jhesu Crist, be he cursid, Maranatha. 1 Corinthians 16:23 The grace of oure Lord Jhesu Crist be with you. 1 Corinthians 16:24 My charite be with you alle in Crist Jhesu oure Lord. Amen.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook