1 Corinthians 15
1 Corinthians 15:1 Sotheli, britheren, Y make the gospel knowun to you, which Y haue prechid to you, the which also ye han takun, in which ye stonden, 1 Corinthians 15:2 also bi which ye schulen be sauyd; bi which resoun Y haue prechid to you, if ye holden, if ye han not bileuyd ideli.
By Christ's resurrection,
1 Corinthians 15:3 For Y bitook to you at the bigynnyng that thing which also Y haue resseyued; that Crist was deed for oure synnes, bi the scripturis; 1 Corinthians 15:4 and that he was biried, and that he roos ayen in the thridde dai, after scripturis; 1 Corinthians 15:5 and that he was seyn to Cephas, and aftir these thingis to enleuene; 1 Corinthians 15:6 aftirward he was seyn to mo than fyue hundrid britheren togidere, of whiche manye lyuen yit, but summe ben deed; 1 Corinthians 15:7 aftirward he was seyn to James, and aftirward to alle the apostlis. 1 Corinthians 15:8 And last of alle he was seyn also to me, as to a deed borun child. 1 Corinthians 15:9 For Y am the leste of apostlis, that am not worthi to be clepid apostle, for Y pursuede the chirche of God. 1 Corinthians 15:10 But bi the grace of God Y am that thing that Y am; and his grace was not voide in me. For Y trauelide more plenteuously than alle thei; but not Y, but the grace of God with me. 1 Corinthians 15:11 But whether Y, or thei, so we han prechid, and so ye han bileuyd.
he proveth the necessity of our resurrection, against all such as deny the resurrection of the body.
1 Corinthians 15:12 And if Crist is prechid, that he roos ayen fro deeth, hou seien summen among you, that the ayenrisyng of deed men is not? 1 Corinthians 15:13 And if the ayenrisyng of deed men is not, nethir Crist roos ayen fro deeth. 1 Corinthians 15:14 And if Crist roos not, oure preching is veyn, oure feith is veyn. 1 Corinthians 15:15 And we ben foundun false witnessis of God, for we han seid witnessyng ayens God, that he reiside Crist, whom he reiside not, if deed men risen not ayen. 1 Corinthians 15:16 Forwhi if deed men risen not ayen, nether Crist roos ayen; 1 Corinthians 15:17 and if Crist roos not ayen, oure feith is veyn; and yit ye ben in youre synnes. 1 Corinthians 15:18 And thanne thei that han diede in Crist, han perischid. 1 Corinthians 15:19 If in this life oneli we ben hoping in Crist, we ben more wretchis than alle men. 1 Corinthians 15:20 But now Crist roos ayen fro deth, the firste fruit of deed men;
1 Corinthians 15:21 for deeth was bi a man, and bi a man is ayenrisyng fro deth. 1 Corinthians 15:22 And as in Adam alle men dien, so in Crist alle men schulen be quykenyd. 1 Corinthians 15:23 But ech man in his ordre; the firste fruit, Crist, afterward thei that ben of Crist, that bileueden in the comyng of Crist; 1 Corinthians 15:24 aftirward an ende, whanne he schal bitake the kyngdom to God and to the fadir, whanne he schal auoide al princehod, and power, and vertu. 1 Corinthians 15:25 But it bihoueth hym to regne, til he putte alle hise enemyes vndur hise feet. 1 Corinthians 15:26 And at the laste, deth the enemye schal be distried; for he hath maad suget alle thingis vndur hise feet. 1 Corinthians 15:27 And whanne he seith, alle thingis ben suget to hym, with outen doubt outakun hym that sugetide alle thingis to hym. 1 Corinthians 15:28 And whanne alle thingis ben suget to hym, thanne the sone hym silf schal be suget to hym, that made alle thingis suget to hym, that God be alle thingis in alle thingis. 1 Corinthians 15:29 Ellis what schulen thei do, that ben baptisid for deed men, if in no wise deed men risen ayen? wherto ben thei baptisid for hem? 1 Corinthians 15:30 And wherto ben we in perel euery our? 1 Corinthians 15:31 Ech dai Y die for youre glorie, britheren, which glorie Y haue in Crist Jhesu oure Lord. 1 Corinthians 15:32 If aftir man Y haue fouyten to beestis at Efesi, what profitith it to me, if deed men risen not ayen? Ete we, and drynke we, for we schulen die to morewe. 1 Corinthians 15:33 Nyle ye be disseyued; for yuel spechis distrien good thewis. 1 Corinthians 15:34 Awake ye, iuste men, and nyle ye do synne; for summen han ignoraunce of God, but to reuerence Y speke to you.
and manner thereof,
1 Corinthians 15:35 But summan seith, Hou schulen deed men rise ayen, or in what maner bodi schulen thei come? 1 Corinthians 15:36 Vnwise man, that thing that thou sowist, is not quykened, but it die first; 1 Corinthians 15:37 and that thing that thou sowist, thou sowist not the bodi that is to come, but a nakid corn, as of whete, or of summe othere seedis; 1 Corinthians 15:38 and God yyueth to it a bodi, as he wole, and to ech of seedis a propir bodi. 1 Corinthians 15:39 Not ech fleisch is the same fleisch, but oon is of men, another is of beestis, another is of briddis, an othere of fischis. 1 Corinthians 15:40 And heuenli bodies ben, and ertheli bodies ben; but oon glorie is of heuenely bodies, and anothir is of ertheli. 1 Corinthians 15:41 An othere clerenesse is of the sunne, anothere clerenesse is of the moone, and anothere clerenesse is of sterris; and a sterre dyuersith fro a sterre in clerenesse. 1 Corinthians 15:42 And so the ayenrisyng of deed men. It is sowun in corrupcioun, it schal rise in vncorrupcioun; 1 Corinthians 15:43 it is sowun in vnnoblei, it schal rise in glorie; it is sowun in infirmyte, it schal rise in vertu; 1 Corinthians 15:44 it is sowun a beestly bodi, it schal rise a spiritual bodi. If ther is a beestli bodi, ther is also a spiritual bodi; 1 Corinthians 15:45 as it is writun, The firste man Adam was maad in to a soule lyuynge, the laste Adam in to a spirit quykenynge. 1 Corinthians 15:46 But the firste is not that that is spiritual, but that that is beestlich, aftirward that that is spiritual. 1 Corinthians 15:47 The firste man of erthe is ertheli; the secounde man of heuene is heuenelich. 1 Corinthians 15:48 Such as the ertheli man is, such ben the ertheli men; and such as the heueneli man is, suche ben also the heueneli men. 1 Corinthians 15:49 Therfor as we han bore the ymage of the ertheli man, bere we also the ymage of the heuenli. 1 Corinthians 15:50 Britheren, Y seie this thing, that fleisch and bloud moun not welde the kyngdom of God, nethir corrupcioun schal welde vncorrupcioun.
and of the changing of them that shall be found alive at the last day.
1 Corinthians 15:51 Lo! Y seie to you priuyte of hooli thingis. And alle we schulen rise ayen, but not alle we schulen be chaungid; 1 Corinthians 15:52 in a moment, in the twynklyng of an iye, in the laste trumpe; for the trumpe schal sowne, and deed men schulen rise ayen, with oute corrupcioun, and we schulen be chaungid. 1 Corinthians 15:53 For it byhoueth this corruptible thing to clothe vncorrupcioun, and this deedli thing to putte awei vndeedlinesse. 1 Corinthians 15:54 But whanne this deedli thing schal clothe vndeedlynesse, thanne schal the word be doon, that is writun, Deth is sopun vp in victorie. 1 Corinthians 15:55 Deth, where is thi victorie? Deth, where is thi pricke? 1 Corinthians 15:56 But the pricke of deth is synne; and the vertu of synne is the lawe. 1 Corinthians 15:57 But do we thankyngis to God, that yaf to vs victorie bi oure Lord Jhesu Crist. 1 Corinthians 15:58 Therfore, my dereworthe britheren, be ye stidefast, and vnmouable, beynge plenteuouse in werk of the Lord, euere more witynge that youre trauel is not idel in the Lord.