Wycliffe Bible

1 Corinthians 12

Spiritual gifts

1 Corinthians 12:1 But of spiritual thingis, britheren, Y nyle that ye vnknowun. 1 Corinthians 12:2 For ye witen, that whanne ye weren hethene men, hou ye weren led goynge to doumbe maumetis. 1 Corinthians 12:3 Therfor Y make knowun to you, that no man spekynge in the spirit of God, seith departyng fro Jhesu; and no man may seie the Lord Jhesu, but in the Hooli Goost.

are divers,

1 Corinthians 12:4 And dyuerse graces ther ben, but it is al oon Spirit; 1 Corinthians 12:5 and dyuerse seruyces ther ben, but it is al oon Lord; 1 Corinthians 12:6 and dyuerse worchingis ther ben, but al is oon God, that worchith alle thingis in alle thingis.

yet all to profit withal.

1 Corinthians 12:7 And to ech man the schewyng of spirit is youun to profit.

And to that end are diversely bestowed:

1 Corinthians 12:8 The word of wisdom is youun to oon bi spirit; to another the word of kunnyng, bi the same spirit; 1 Corinthians 12:9 feith to another, in the same spirit; to anothere, grace of helthis, in o spirit; 1 Corinthians 12:10 to another, the worchyng of vertues; to another, profecie; to another, very knowyng of spiritis; to another, kyndis of langagis; to another, expownyng of wordis. 1 Corinthians 12:11 And oon and the same spirit worchith alle these thingis, departynge to ech bi hem silf as he wole.

that by the like proportion, as the members of a natural body,

1 Corinthians 12:12 For as ther is o body, and hath many membris, and alle the membris of the bodi whanne tho ben manye, ben o bodi, so also Crist. 1 Corinthians 12:13 For in o spirit alle we ben baptisid in to o bodi, ether Jewis, ether hethene, ether seruauntis, ether free; and alle we ben fillid with drink in o spirit. 1 Corinthians 12:14 For the bodi is not o membre, but manye. 1 Corinthians 12:15 If the foot seith, For Y am not the hoond, Y am not of the bodi; not therfor it is not of the bodi.

tend all to the mutual decency,

1 Corinthians 12:16 And if the ere seith, For Y am not the iye, Y am not of the bodi; not therfor it is not of the bodi. 1 Corinthians 12:17 If al the bodi is the iye, where is heryng? and if al the bodi is heryng, where is smellyng? 1 Corinthians 12:18 But now God hath set membris, and ech of hem in the bodi, as he wolde. 1 Corinthians 12:19 That if alle weren o membre, where were the bodi? 1 Corinthians 12:20 But now ther ben many membris, but o bodi. 1 Corinthians 12:21 And the iye may not seie to the hond, Y haue no nede to thi werkis; or eft the heed to the feet, Ye ben not necessarie to me.


1 Corinthians 12:22 But myche more tho that ben seyn to be the lowere membris of the bodi, ben more nedeful; 1 Corinthians 12:23 and thilke that we gessen to be the vnworthier membris of the bodi, we yyuen more honour to hem; and tho membris that ben vnonest, han more oneste. 1 Corinthians 12:24 For oure oneste membris han nede of noon; but God tempride the bodi, yyuynge more worschip to it, to whom it failide, 1 Corinthians 12:25 that debate be not in the bodi, but that the membris be bisi in to the same thing ech for othere.

and succour of the same body;

1 Corinthians 12:26 And if o membre suffrith ony thing, alle membris suffren therwith; ethir if o membre ioieth, alle membris ioien togidere.

so we should do one for another, to make up the mystical body of Christ.

1 Corinthians 12:27 And ye ben the bodi of Crist, and membris of membre. 1 Corinthians 12:28 But God sette sum men in the chirche, fyrst apostlis, the secunde tyme prophetis, the thridde techeris, aftirward vertues, aftirward graces of heelyngis, helpyngis, gouernails, kyndis of langagis, interpretaciouns of wordis. 1 Corinthians 12:29 Whether alle apostlis? whethir alle prophetis? whether alle techeris? whether alle vertues? 1 Corinthians 12:30 whether alle men han grace of heelyngis? whether alle speken with langagis? whether alle expownen? 1 Corinthians 12:31 But sue ye the betere goostli yiftis. And yit Y schewe to you a more exellent weye.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook