1 Chronicles 24
The divisions of the sons of Aaron by lot into four and twenty orders.
1 Chronicles 24:1 Forsothe to the sones of Aaron these porciouns schulen be; the sones of Aaron weren Nadab, and Abyud, Eleazar, and Ythamar; 1 Chronicles 24:2 but Nadab and Abyud weren deed with out fre children bifor her fadir, and Eleazar and Ythamar weren set in presthod. 1 Chronicles 24:3 And Dauith departide hem, that is, Sadoch, of the sones of Eleazar, and Achymelech, of the sones of Ithamar, by her whiles and seruyce; 1 Chronicles 24:4 and the sones of Eleazar weren founden many mo in the men princes, than the sones of Ythamar. Forsothe he departide to hem, that is, to the sones of Eleazar, sixtene prynces bi meynees; and to the sones of Ythamar eiyte prynces bi her meynees and howsis. 1 Chronicles 24:5 Sotheli he departide euer eithir meynees among hem silf bi lottis; for there weren princes of the seyntuarye, and princes of the hows of God, as wel of the sones of Eleazar as of the sones of Ithamar. 1 Chronicles 24:6 And Semeye, the sone of Nathanael, a scribe of the lynage of Leuy, discriuede hem bifore the king and pryncis, and bifor Sadoch, the preest, and Achymelech, the sone of Abiathar, and to the prynces of meynees of the preestis and of the dekenes; he discriuyde oon hows of Eleazar, that was souereyn to othere, and the tother hows of Ithamar, that hadde othere vndir hym. 1 Chronicles 24:7 Forsothe the firste lot yede out to Joiarib, the secounde to Jedeie, 1 Chronicles 24:8 the thridde to Aharym, the fourthe to Seorym, 1 Chronicles 24:9 the fyuethe to Melchie, the sixte to Maynan, 1 Chronicles 24:10 the seuenthe to Accos, the eiythe to Abia, 1 Chronicles 24:11 the nynthe to Hieusu, the tenthe to Sechema, 1 Chronicles 24:12 the elleuenthe to Eliasib, the tweluethe to Jacyn, 1 Chronicles 24:13 the thrittenthe to Opha, the fourtenthe to Isbaal, 1 Chronicles 24:14 the fiftenthe to Abelga, the sixtenthe to Emmer, 1 Chronicles 24:15 the seuententhe to Ezir, the eiytenthe to Ahapses, 1 Chronicles 24:16 the nyntenthe to Pheseye, the twentithe to Jezechel, 1 Chronicles 24:17 the oon and twentithe to Jachym, the two and twentithe to Gamul, 1 Chronicles 24:18 the thre and twentithe to Dalayam, the foure and twentithe to Mazzian. 1 Chronicles 24:19 These weren the whilis of hem bi her mynysteries, that thei entre in to the hows of God, and bi her custom vndur the hond of Aaron, her fadir, as the Lord God of Israel comaundide.
1 Chronicles 24:20 Forsothe Sebahel was prince of the sones of Leuy that weren resydue, of the sones of Amram; and the sone of Sebahel was Jedeie; 1 Chronicles 24:21 also Jesie was prince of the sones of Roobie. 1 Chronicles 24:22 Sotheli Salomoth was prince of Isaaris; and the sone of Salamoth was Janadiath; 1 Chronicles 24:23 and his firste sone was Jeriuans, Amarie the secounde, Azihel the thridde, Jethmoan the fourthe. 1 Chronicles 24:24 The sone of Ozihel was Mycha; the sone of Mycha was Samyr; 1 Chronicles 24:25 the brother of Mycha was Jesia; and the sone of Jesia was Zacharie. 1 Chronicles 24:26 The sones of Merary weren Mooli and Musi; the sone of Josyan was Bennon;
and the Merarites divided by lot.
1 Chronicles 24:27 and the sone of Merarie was Ozian, and Soen, and Zaccur, and Hebri. 1 Chronicles 24:28 Sotheli the sone of Mooli was Eleazar, that hadde not fre sones; 1 Chronicles 24:29 forsothe the sone of Cys was Jeremyhel; 1 Chronicles 24:30 the sones of Musy weren Mooli, Eder, Jerymuth. These weren the sones of Leuy, bi the housis of her meynees. 1 Chronicles 24:31 Also and thei senten lottis ayens her britheren, the sones of Aaron, bifor Dauid the kyng, and bifor Sadoch, and Achymelech, and the princes of meynees of preestis and of dekenes; lot departide euenli alle, bothe the gretter and the lesse.