Wycliffe Bible

1 Chronicles 14

Hiram's kindness to David.

1 Chronicles 14:1 And Iram, the kyng of Tyre, sente messageris to Dauid, and he sente trees of cedre, and werk men of wallis and of trees, that thei schulden bilde to hym an hows.

David's felicity in people, wives, and children.

1 Chronicles 14:2 And Dauid knewe that the Lord hadde confermyd hym in to kyng on Israel; and that his rewme was reisid on his puple Israel.

1 Chronicles 14:3 And Dauid took othere wyues in Jerusalem, and gendride sones and douytris. 1 Chronicles 14:4 And these ben the names of hem that weren borun to hym in Jerusalem; Sammu, and Sobab, Nathan, and Salomon, 1 Chronicles 14:5 Jeber, and Elisu, and Heli, and Eliphalech, 1 Chronicles 14:6 and Noga, and Napheg, and Japhie, 1 Chronicles 14:7 and Elisama, and Baliada, and Eliphelech.

His two victories over the Philistines.

1 Chronicles 14:8 Forsothe the Filisteis herden that Dauid was anoyntid in to kyng on al Israel, and alle stieden to seke Dauid. And whanne Dauid hadde herd this thing, he yede out ayens hem. 1 Chronicles 14:9 Forsothe Filisteis camen, and weren spred abrood in the valey of Raphaym; 1 Chronicles 14:10 and Dauid counselide the Lord, and seide, Whether Y schal stie to Filisteis? and whether thou schalt bitake hem in to myn hondis? And the Lord seide to hym, Stie thou, and Y schal bitake hem in thin hond. 1 Chronicles 14:11 And whanne thei hadden styed in to Baal Pharasym, Dauid smoot hem there, and seide, God hath departid myn enemyes bi myn hond, as watris ben departid. And therfor the name of that place was clepid Baal Pharasym; 1 Chronicles 14:12 and thei leften there her goddis, which Dauid comaundide to be brent. 1 Chronicles 14:13 Forsothe another tyme Filisteis felden in, and weren spred abrood in the valei; 1 Chronicles 14:14 and eft Dauid counseilide the Lord, and the Lord seide to hym, Thou schalt not stie aftir hem; go awei fro hem, and thou schalt come ayens hem euen ayens the pere trees. 1 Chronicles 14:15 And whanne thou schalt here the sowun of a goere in the cop of the pere trees, thanne thou schalt go out to batel; for the Lord is go out byfor thee, to smyte the castels of Filisteis. 1 Chronicles 14:16 Therfor Dauid dide as God comaundide to hym, and he smoot the castels of Filisteis fro Gabaon til to Gazara. 1 Chronicles 14:17 And the name of Dauid was puplischid in alle cuntreis, and the Lord yaf his drede on alle folkis.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook