Wycliffe Bible

1 Chronicles 10

Saul's overthrow and death.

1 Chronicles 10:1 Forsothe Filisteis fouyten ayens Israel, and the sones of Israel fledden Palestyns, and felden doun woundid in the hil of Gelboe. 1 Chronicles 10:2 And whanne Filisteis hadde neiyed pursuynge Saul and hise sones, thei killiden Jonathan, and Abynadab, and Melchisue, the sones of Saul. 1 Chronicles 10:3 And the batel was agreggid ayens Saul; and men archeris foundun hym, and woundiden hym with dartis. 1 Chronicles 10:4 And Saul seide to his squiere, Drawe out thi swerd, and sle me, leste these vncircumcidid men come, and scorne me. Sothli his squyer was aferd bi drede, and nolde do this; therfor Saul took a swerd, and felde on it. 1 Chronicles 10:5 And whanne his squyer hadde seyn this, that is, that Saul was deed, he felde also on his swerd, and was deed. 1 Chronicles 10:6 Therfor Saul perischide, and hise thre sones, and al his hows felde doun togidere. 1 Chronicles 10:7 And whanne the men of Israel, that dwelliden in feeldi places, hadden seyn this, thei fledden; and whanne Saul and hise sones weren deed, thei forsoken her citees, and weren scaterid hidur and thidur; and Filisteis camen, and dwelliden in tho.

The Philistines triumph over Saul.

1 Chronicles 10:8 Therfor in the tother day Filisteis drowen awei the spuylis of slayn men, and founden Saul and hise sones liggynge in the hil of Gelboe. 1 Chronicles 10:9 And whanne thei hadden spuylid hym, and hadden gird of the heed, and hadden maad hym nakid of armeris, thei senten in to her lond, that it schulde be borun aboute, and schulde be schewid in the templis of idols and to puplis; 1 Chronicles 10:10 forsothe thei halewiden his armeris in the temple of her god, and thei settiden the heed in the temple of Dagon.

The kindness of Jabesh-gilead towards Saul and his sons.

1 Chronicles 10:11 Whanne men of Jabes of Galad hadden herd this, that is, alle thingis whiche the Filisteis diden on Saul, 1 Chronicles 10:12 alle stronge men risiden togidere, and took the deed bodies of Saul and of hise sones, and brouyten tho in to Jabes; and thei birieden the boonus of hem vndur an ook, that was in Jabes; and thei fastiden seuene daies.

Saul's sin, for which the kingdom was translated from him to David.

1 Chronicles 10:13 Therfor Saul was deed for hise wickidnessis, for he brak the comaundement of the Lord, whiche he comaundide, and kepte not it, but ferthirmore also he took counsel at a womman hauynge a feend spekynge in the wombe, and he hopide not in the Lord; 1 Chronicles 10:14 for which thing both the Lord killide hym, and translatide his rewme to Dauid, sone of Ysay.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook